Libertadores kubokunun oyunu kütləvi dava ilə yekunlaşıb
Bakı, 10 may, AZƏRTAC
Libertadores kubokunun qrup mərhələsində Argentinanın “Godoy Kruz” və Çilinin “Universidad de Koncepcion” komandaları arasında keçirilmiş oyun kütləvi dava ilə yekunlaşıb.
AZƏRTAC xəbər verir ki, buna səbəb baş hakim Vilton Sampayonın iki qırmızı vərəqə göstərməsi olub. O, meydan sahiblərindən Fabian Enrikesi, qonaq komandadan isə Patrisio Rubionu meydandan qovub.
“Godoy Kruz” 1:0 hesabı ilə qalib gələrək, qrup ikincisi kimi pley-off mərhələsinə yüksəlib. “Universidad de Koncepcion” isə qrup sonuncusu olub.
Qeyd edək ki, bu ildən final bir oyundan ibarət olacaq və əvvəldən müəyyənləşdirilmiş stadionda keçiriləcək.
Bölmənin digər xəbərləri
