London metrosunda hər 20 sərnişindən biri biletsiz səfər edir
London, 30 may, AZƏRTAC
London metrosunda sərnişinlərin təxminən 5 faizi, yəni hər 20 nəfərdən biri biletsiz səfər edir.
AZƏRTAC BBC-yə istinadla xəbər verir ki, bu barədə “Transport for London” (TfL) təşkilatının açıqladığı məlumatda qeyd olunub. Bildirilib ki, bilet almadan metroya minən sərnişinlər quruma illik 130 milyon funt-sterlinq zərər vurur.
“TfL” bildirib ki, biletsiz yaxalananların bir çoxu artıq başqa cinayətlərə görə də axtarışdadır. Nəzarət zamanı onlardan tez-tez bıçaq və narkotik maddələr götürülür. Hazırda problemin qarşısını almaq məqsədilə 500 yeni nəzarətçi işə götürüb. Lakin onlar tez-tez zorakı və irqi motivli hücumlara məruz qalırlar.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
