“Los-Anceles Leykers” müntəzəm çempionatın sonuncu oyununda məğlub olub
Bakı, 14 avqust, AZƏRTAC
Milli Basketbol Assosiasiyasının (MBA) müntəzəm çempionatında “Los-Anceles Leykers” sonuncu oyununa çıxıb.
AZƏRTAC xəbər verir ki, Qərb konfransının lideri bu dəfə “Sakramento Kinqz”lə qarşılaşıb. Sürətli keçən görüşdə 258 xal qeydə alınıb.
Orlandoda keçirilən matça daha yaxşı başlayan Los-Anceles basketbolçuları ilk hissədə qalib gəliblər. Sonradan təşəbbüsü əldən verən komanda yekunda 122:136 hesabı ilə məğlub olub.
Oyunun ən yaxşısı Baddi Hild olub. “Sakramento Kinqz” komandasının üzvü 28 xal, 5 ribaund, 2 məhsuldar ötürmə ilə yadda qalıb.
Bölmənin digər xəbərləri
