“LOTOMESAJ” KAMPANİYASI BAŞA ÇATMIŞDIR
Müəssisənin mətbuat xidmətindən AZƏRTAC-a bildirmişlər ki, sonuncu kampaniyanın 12 tirajında 24 abonentin hər biri 10 milyon manat, 240 abonentin hər biri 2 milyon manat, 2 min 400 abonentin hər biri 200 min manat qazanmışdır.
Bundan əlavə, MMS göndərən 36 abonentin də hər biri 3 milyon manat udmuşdur.
Beləliklə, “Azercell”in sayca ikinci olan daha bir “LotoMesaj” uduş kampaniyası uğurla başa çatmışdır. “Azercell” fakturalı xətt, SimSim və “GəncSim” abonentləri 100 minlərlə SMS və MMS göndərərək, “LotoMesaj” kampaniyasına iştirakçı hüququ qazanmışlar. Başa çatan kampaniyada 2 min 700 abonent 1 milyard 308 milyon manatın sahibi olmuşdur.
Xatırladaq ki, 2004-cü ildə keçirilən kampaniyada 1332 abonent 600 milyon manat qazanmışdı.
Bölmənin digər xəbərləri
