LYU QUÇAN: ÇXR-DƏ HAKİMİYYƏT YENİDƏN FORMALAŞSA DA AZƏRBAYCANA QARŞI MÖVQE DƏYİŞMƏZDİR
Xəbər verdiyimiz kimi, Çin Xalq Respublikası Xarici İşlər Nazirinin müavini Lyu Quçanın rəhbərlik etdiyi nümayəndə heyəti Bakıya gəlmişdir.
Aprelin 10-da səhər Lyu Quçan və onun rəhbərlik etdiyi nümayəndə heyəti Şəhidlər xiyabanında olmuş, “Ədəbi məşəl” xatirə kompleksinin önünə əklil qoymuşlar.
Sonra çinli qonaqlar Şəhidlər xiyabanından Bakının panoramını seyr etmişlər.
Nümayəndə heyətinin rəhbəri Lyu Quçan AZƏRTAC-ın müxbirinə qısa müsahibə vermişdir.
SUAL: - Cənab Lyu Quçan, Bakıya səfərinizin məqsədi barədə məlumat vermənizi xahiş edirik.
CAVAB:- Bilirsiniz ki, bu ilin mart ayında Çin Xalq Respublikasında yeni hakimiyyət formalaşmışdır. Səfərdən məqsəd də yeni rəhbərliklə Azərbaycan Respublikası arasında dostluq, əməkdaşlıq əlaqələrinin genişləndirilməsi üçün işlər görməkdir.
SUAL: - Çinin yeni rəhbərliyinin Ermənistan-Azərbaycan münaqişəsinin həlli ilə bağlı mövqeyində hər hansı bir dəyişiklik varmı?
CAVAB:- Çin Xalq Respublikası Dağlıq Qarabağ münaqişəsi ilə bağlı öz mövqeyini açıqlayıb və bu mövqe dəyişməz olaraq qalır. Dağlıq Qarabağ münaqişəsi Azərbaycanın ərazi bütövlüyü çərçivəsində həll edilməlidir. Ayrı cür ola da bilməz.
Bölmənin digər xəbərləri
