MALİYYƏ NAZİRLİYİ ƏMANƏTLƏRİN İNDEKSLƏŞDİRİLMƏSİ İLƏ BAĞLI QANUN LAYİHƏSİ HAZIRLAMIŞDIR
Maliyyə naziri Əvəz Ələkbərov AZƏRTAC-ın müxbirinə demişdir ki, rəhbərlik etdiyi qurumun hazırladığı sənəd artıq hökumətdə müzakirə olunur. Bəzi ölkələrdə bu məsələnin həllinə tələsik başlanıldığı üçün ciddi problemlər yaranmışdır. Biz çalışırıq ki, bütün imkanları səfərbər etməklə əhalinin banklarda qalan əmanətlərini qaytara bilək. Bu məqsədlə elə qanun qəbul etməliyik ki, o, vətəndaşların sosial vəziyyətinin yaxşılaşdırılmasına və dövlət büdcəsinin tarazlaşmış siyasətinin aparılması prinsiplərinə cavab versin. Bunun üçün layihədə əmanətlərin qaytarılması ilə bağlı üç variant nəzərdə tutulmuşdur.
Nazirin sözlərinə görə, 2005-ci ilin dövlət büdcəsi bu prosesi başlamaq imkanı verəcəkdir.
Bölmənin digər xəbərləri
