MDB-NİN GƏNCLƏR SİMFONİK ORKESTRİ QASTROLLARINI BAŞA ÇATDIRMIŞDIR
AZƏRTAC xəbər verir ki, Müstəqil Dövlətlər Birliyinin paytaxtlarında MDB-nin Gənclər Simfonik Orkestrinin qastrolları Almatıda başa çatmışdır. Son akkordlar SSRİ xalq artisti Yuri Simonovun rəhbərliyi və tanınmış pianoçu Denis Matsuyevın iştirakı ilə səslənmişdir. Konsert proqramına dünya musiqi klassikasının inciləri - Rossininin, Vaqnerin, Verdinin uvertüraları, Raxmaninovun İkinçi fortepiano konserti, Erkeqali Raxmadiyevin (Qazaxıstan) Simfonik kyuyu daxil idi.
Qastrolların cədvəli kifayət qədər gərgin olmuşdur. Gənc musiqiçilər sentyabrın 17-də Azərbaycanda, 18-də Tacıkistanda MDB dövlətlərinin yaradıcı və elmi ziyalılarının III Forumunun iştirakçıları qarşısında, sentyabrın 20-də Qırğızıstanda və 24-də Qazaxıstanda çıxış etmişlər.
Birliyin 11 ölkəsinin istedadlı musiqiçilərini birləşdirən MDB Gənclər Simfonik Orkestri Birlik ölkələrinin ümummədəni inkişafına yönəldilmiş MDB dövlətlərinin Dövlətlərarası humanitar əməkdaşlıq fondunun parlaq layihələrindən biridir. 2008-ci ilin martından orkestrin təşkili üçün bütün qayğıları öz üzərinə götürən Moskva Filarmoniyası MDB ölkələri konservatoriyalarının tələbələri, aspirantları, orkestrlərinin gənc solistləri arasında müsabiqə seçimi keçirmişdir. Azərbaycan, Belarus, Qazaxıstan, Rusiya, Tacıkistan, Özbəkistan, Ukrayna və digər ölkələrdən 98 musiqiçi seçmə turdan keçmidir.
Bölmənin digər xəbərləri
