Media: Gəmilər ABŞ-nin İran limanlarına qarşı tətbiq etdiyi blokadadan yayınırlar
Bakı, 16 aprel, AZƏRTAC
Bəzi gəmilər ABŞ-nin İran limanlarına qarşı tətbiq etdiyi dəniz blokadasından yayınmağı bacarırlar.
AZƏRTAC xəbər verir ki, bu barədə dəniz daşımalarının monitorinqi ilə məşğul olan “Windward” analitika şirkəti tərəfindən dərc edilən hesabatda deyilir.
Qeyd olunur ki, çərşənbə axşamı günü İran bayrağı altında üzən desant gəmisi Bəndər Abbas limanından yola düşərək Hörmüz boğazını keçib və Oman körfəzinə daxil olub.
Həmçinin bildirilir ki, ABŞ sanksiyalarına məruz qalan və saxta bayraqla üzən boş supertanker İranın ərazi sularından keçərək boğaza girə bilib. Ehtimala görə, gəmi aşkarlanma riskini azaltmaq üçün sahil yolundan istifadə edib.
“Windward” şirkətinin məlumatına görə, çərşənbə axşamı boğazdan keçən nəqliyyat vasitələrinin hərəkəti sabit qalıb. Ümumilikdə boğazdan 19 gəmi keçib ki, onların da yeddisi İrana məxsus olub.
Bölmənin digər xəbərləri
