Məhəmməd Salah COVID-19 pandemiyasının qaçqın uşaqlara mənfi təsirindən yazıb
Qahirə, 4 sentyabr, AZƏRTAC
“Liverpul” futbol klubunun misirli hücumçusu Məhəmməd Salahın nüfuzlu “The Independent” nəşrində COVID-19 pandemiyasının dünyadakı qaçqın uşaqlara mənfi təsirindən bəhs edən məqaləsi yayımlanıb.
AZƏRTAC xəbər verir ki, ötən il BMT-nin təşəbbüsü çərçivəsində “Vodafone” şirkəti ilə qaçqın uşaqlar üçün ilk instant məktəb şəbəkəsini yaradan və həmin təşəbbüsün xoşməramlı səfiri olan futbolçu bu fəaliyyəti davam etdirmək niyyətindədir. Məhəmməd Salah yazıb ki, pandemiya dövründə təhsildən ayrı qalan uşaqların əksəriyyəti qaçqın ailələrindən olanlardır. O təəssüflə qeyd edib ki, valideynlərinin kitab, məktəbli geyimi və qida ala bilmədikləri həmin azyaşlıların gələcəyi də qaranlıq görünür.
Futbolçu dünyanın varlı şirkətlərini və iş adamlarını qaçqın uşaqların təhsil probleminin həllinə yardım etməyə çağırıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
