Məhəmməd Salah İngiltərə Premyer Liqasında yeni rekorda imza atıb
Bakı, 20 aprel, AZƏRTAC
“Liverpul”un futbolçusu Məhəmməd Salah İngiltərə Premyer Liqasında yeni rekorda imza atıb.
AZƏRTAC xəbər verir ki, misirli hücumçu buna turnirin 30-cu turunun "Mançester Yunayted"lə təxirə salınmış oyununda (4:0) nail olub. Salah həmin qarşılaşmada dubl edib. Nəticədə oyunçu bu mövsüm “Mançester Yunayted”ə vurduğu qolların sayını 5-ə yüksəldib. Beləliklə, Salah bir mövsümdə "Mançester Yunayted"ə 5 qol vuran ilk futbolçu adını qazanıb.
Qeyd edək ki, Salah 2017-ci ildən “Liverpul”un formasını geyinir. Onun klubla müqaviləsi 2023-cü ilədəkdir. Forvard bu mövsüm 30 matçda 22 qol vurub və 12 qolun ötürməsini edib.
Bölmənin digər xəbərləri
