Məhəmməd Salah zədə səbəbindən “Liverpul”un növbəti üç oyunu buraxacaq
Bakı, 20 fevral, AZƏRTAC
İngiltərənin “Liverpul” komandasının hücumçusu Məhəmməd Salah zədə səbəbindən qarşıdakı üç oyununu buraxacaq.
AZƏRTAC xarici mətbuata istinadən xəbər verir ki, 32 yaşlı misirli forvard fevralın 21-də “Luton”la Premyer Liqa, fevralın 25-də “Çelsi” ilə İngiltərə Liqa Kuboku və fevralın 28-də “Sauthempton”la ölkə kubokunun 1/8 final qarşılaşmalarında iştirak etməyəcək. Onun ən azı martın 2-dək yaşıl meydanlardan uzaq qalacağı bildirilib.
Qeyd edək ki, Məhəmməd Salah bu mövsüm “Liverpul”un heyətində bütün turnirlər daxil olmaqla 28 matçda iştirak edib, 19 qol və 10 məhsuldar ötürmə ilə yadda qalıb.
Bölmənin digər xəbərləri
