MƏKTƏB YENİ DƏRS İLİNƏ TAM HAZIRDIR
Bakının nümunəvi təhsil müəssisələrindən olan Nizami rayonundakı 145 nömrəli məktəbdə sıxlığı aradan qaldırmaq məqsədilə tikilən 5 əlavə sinif otağı yeni dərs ilində müəllim və şagirdlərin istifadəsinə veriləcəkdir. Məktəbə təzə inventar və avadanlıq da alınmışdır. Valideynlərin çoxsaylı müraciət və xahişini nəzərə alan məktəb rəhbərliyi təlimin, əsasən rus dilində aparıldığı bu təhsil ocağında Azərbaycan bölməsi üzrə birinci siniflərin sayını artırmışdır. Məktəbdə yeni tədris ilinin başlanması ərəfəsində iməciliklər təşkil olunmuş, bütün sinif otaqlarında, həyətdə səliqə-sahman yaradılmış, abadlıq işləri görülmüşdür.
Məktəbdən AZƏRTAC-a verilən məlumatda bildirilir ki, builki məzunlardan 55-i test imtahanlarını müvəffəqiyyətlə verərək tələbə adını qazanmışdır. Onlardan 4-ü 600-dən çox bal toplamışdır.
Bölmənin digər xəbərləri
