Məktəblilərin təqdim etdikləri əbədi-bədii kompozisiya böyük maraqla qarşılanmışdır
Bakı, 18 yanvar (AZƏRTAC). Suraxanı Rayon Mərkəzləşdirilmiş Kitabxana Sisteminin 3 nömrəli filialı məktəblilərlə birlikdə 20 Yanvar faciəsinin ildönümünə həsr edilmiş tədbir keçirmişdir.
Kitabxanadan AZƏRTAC-a bildirmişlər ki, 65 nömrəli orta məktəbdə reallaşmış tədbirdə əvvəlcə Azərbaycanın dövlət himni səsləndirilmişdir. Sonra şəhidlərin xatirəsi bir dəqiqəlik sükutla yad edilmişdir.
Çıxışlarda bu hadisələrə ilk kəskin etirazın məhz ümummilli liderimiz Heydər Əliyev tərəfindən bildirildiyi nəzərə çatdırılmışdır. Həmçinin şəhid ailələrinin daim Azərbaycan Prezidenti İlham Əliyevin tərəfindən hərtərəfli qayğı ilə əhatə olunduğu vurğulanmışdır.
Məktəblilərin hazırladığı əbədi-bədii kompozisiya böyük maraqla qarşılanmışdır.
Sonda mövzu ilə əlaqədar şagirdlərin çəkdikləri rəsmlərə baxış keçirilmiş və yazdıqları inşalar təqdim edilmişdir.
Bölmənin digər xəbərləri
