Məmməd Abbasbəyli: Milli Fəaliyyət Planı Azərbaycan hökuməti tərəfindən təsdiqlənmə mərhələsindədir
Bakı, 11 iyul, AZƏRTAC
Rəqabətin inkişafı və rəqabətə zidd fəaliyyətlərin qarşısının alınması üzrə 2024-2026-cı illər üçün Milli Fəaliyyət Planı Azərbaycan hökuməti tərəfindən təsdiqlənmə mərhələsindədir.
AZƏRTAC xəbər verir ki, bu barədə Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli Bakıda keçirilən I Milli Rəqabət Forumunda deyib.
O bildirib ki, dövlət stimullaşdırma mexanizmi ədalətli, açıq, şəffaf, başa düşülən və düzgün tətbiq olunan qanunvericilikdən ibarətdir. M.Abbasbəyli vurğulayıb ki, ölkəmizdə rəqabət mədəniyyətinin formalaşdırılması, rəqabət siyasətinin digər iqtisadiyyat sahələri ilə uyğunlaşdırılması zərurətdir. Digər mühüm cəhət ölkədə rəqabətin səviyyəsinin ölçülməsi, rəqabətqabiliyyətlilik indeksinin hazırlanması və rəqabət xəritəsinin yaradılmasıdır.
Bölmənin digər xəbərləri
