MERKEL DÜNYANIN ƏN NÜFUZLU QADINIDIR
Bu siyahı artıq üçüncü dəfədir tərtib edilir və jurnalın avqustun 31-də çıxmış növbəti nömrəsində dərc olunmuşdur. Əvvəlki iki siyahıya ABŞ-ın dövlət katibi Kondoliza Rays başçılıq etmişdir. Bu dəfə isə o, ikinci yeri tutmuşdur.
Xatırladaq ki, ötən illərdə Angela Merkel ən nüfuzlu 100 qadın siyahısına ümumiyyətlə düşməmişdir.
Üçüncü yerə isə ötən il ikinci yeri tutan Çinin baş nazirinin müavini və səhiyyə naziri U İ layiq görülmüşdür.
Bu siyahıya düşən digər tanınmış qadınlar arasında Melinda Qeyts (12-ci yer), Sonya Qandi (13), teleaparıcı Opra Uinfri (14), senator Hillari Klinton (18), ABŞ-ın birinci xanımı Lora Buş (43), Böyük Britaniya kraliçası II Elizabet (46) və Latviya Prezidenti Vayra Vike-Freyberqa (63) da var.
Ötən ilin yekunlarına əsasən, dünyanın ən nüfuzlu qadınlarının birinci üçlüyünə düşən Yuliya Timoşenko builki 100 qadın siyahısına düşməmişdir.
Bölmənin digər xəbərləri
