Mərkəzi Bank ilin sonunadək "Data Lakehouse" sisteminə keçəcək
Bakı, 9 iyun, AZƏRTAC
Mərkəzi Bank 2026-cı ilin sonuna qədər "Data Lakehouse" sisteminə keçəcək. Hazırda bu istiqamətdə ciddi işlər aparılır.
AZƏRTAC xəbər verir ki, bu barədə Mərkəzi Bankın Data departamenti, məlumat mühəndisliyi şöbəsinin rəhbəri Mahir Quluzadə “Beynəlxalq Maliyyə və Bankçılıq Sammiti 2026: Türk Dövlətlərinin Qlobal Maliyyə İnteqrasiyası” mövzusunda keçirilən beynəlxalq tədbirdə çıxışı zamanı deyib.
O qeyd edib ki, hazırda bir çox süni intellekt məhsulları və korporativ həllər real iş mühitinə inteqrasiya oluna bilmir.
“Buradakı əsas çağırış süni intellekt üçün tam hazır data infrastrukturunun olmamasındadır. İnanırıq ki, qarşıya qoyulan hədəflərə nail olacağıq. Bu infrastrukturun üzərində isə süni intellekt təbəqəsinin, yəni “ML-Ops” sisteminin qurulması bizim əsas prioritetlərimizdən biridir və bununla bağlı müvafiq strategiyamız artıq hazırdır", - deyə M.Quluzadə qeyd edib.
"Data Lakehouse" sistemi müasir hibrid data idarəetmə arxitekturasıdır.
Fotoqraf - Tofiq Babayev
Bölmənin digər xəbərləri
