Metronun stansiyalarında “İçindəki günəşi qoru, narkotikə yox de” adlı maarifləndirici videoçarx yayımlanır
Bakı, 9 iyul, AZƏRTAC
Narkomaniyanın fəsadlarına dair maarifləndirici videoçarxların Bakı metrosunun stansiyalarında yayımlanması işi davam etdirilir.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi qrupundan AZƏRTAC-a bildiriblər ki, bu ilin iyulundan etibarən “İçindəki günəşi qoru, narkotikə yox de” adlı videoçarx metronun stansiyalarında nümayiş olunur.
Videoçarx Azərbaycan Prezidenti İlham Əliyevin 2019-cu il 22 iyul tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın 4.4.35-ci bəndinə müvafiq olaraq, maarifləndirmə işinin daha da genişləndirilməsi məqsədilə Dövlət Komissiyasının İşçi qrupu tərəfindən hazırlanıb.
Bölmənin digər xəbərləri
