MİLLİ AVİASİYA AKADEMİYASININ I QRUP İXTİSASLARINI SEÇƏN ABİTURİYENTLƏR XÜSUSİ TİBBİ VƏ PSİXOLOJİ MÜAYİNƏDƏN KEÇİRLƏR
Tələbə Qəbulu üzrə Dövlət Komissiyasından AZƏRTAC-a bildirmişlər ki, Azərbaycan Respublikasının ali məktəblərinə 2007/2008-ci tədris ili üçün tələbə qəbulu qaydalarına əsasən, Milli Aviasiya Akademiyasının (MAA) I qrup ixtisaslarını seçən builki məzunlar sənədlərini iyulun 5-dək bilavasitə həmin təhsil müəssisəsində yaradılmış Sənəd Qəbulu Komissiyasına (SQK) təqdim edə bilərlər.
Onlar həmin təhsil müəssisəsində xüsusi tibbi və psixoloji müayinədən, həm də xarici dil üzrə müsahibədən keçirlər. Müayinə və müsahibədən müvəffəqiyyətlə keçmiş abituriyentlər ərizələrində bu ali məktəbin I qrup ixtisaslarını göstərmək hüququ qazanırlar.
Müvafiq qrupun ixtisaslarını seçən əvvəlki illərin məzunları sənədlərini artıq iyunun 30-dək bilavasitə MAA-da yaradılmış SQK-ya təqdim etmişlər.
Bölmənin digər xəbərləri
