Milli azadlıq yolunda şəhid olan qəhrəmanların xatirəsi xalqın yaddaşında əbədi yaşayacaqdır
Bakı, 20 yanvar (AZƏRTAC). Yanvar hadisələrinin 22-ci ildönümündə şəhidlərimizin məzarlarını ziyarət etməyə axışan insanlar arasında İmişli rayon sakini Əli Əkbərov da vardı.
İmişli sakini AZƏRTAC-a müsahibəsində demişdir ki, bu gün xalqımızın qürur günüdür. Tariximizin şərəfli səhifəsinə çevrilmiş 20 Yanvar hadisəsinin dəhşətlərindən danışmaq çox çətindir. Həmin gecə müstəqilliyi, azadlığı uğrunda mübarizəyə qalxan Vətən övladlarımız ölkəmizə təcavüz edən imperiyanın hərb maşınının, təpədən-dırnağadək silahlanmış amansız ordu hissələrinin qarşısına əliyalın çıxmış, öz qanları ilə qəhrəmanlıq salnaməmizə imza atmışlar.
20 Yanvar faciəsi zamanı sovet qoşunlarının törətdikləri vəhşilikləri heç zaman unutmayacağıq. Milli azadlıq yolunda şəhid olan qəhrəmanların xatirəsi xalqın yaddaşında əbədi yaşayacaqdır.
Bölmənin digər xəbərləri
