Milli Kitabxanada Azərbaycan Milli Elmlər Akademiyasının 80 illiyi münasibətilə kitab sərgisi açılıb
Bakı, 23 yanvar, AZƏRTAC
Azərbaycan Milli Elmlər Akademiyasının (AMEA) 80 illik yubileyi münasibətilə Milli Kitabxanada kitab sərgisi hazırlanaraq istifadəçilərə təqdim olunub.
Kitabxanadan AZƏRTAC-a bildirilib ki, “Azərbaycan Milli Elmlər Akademiyası - 80” adlı sərgidə akademiyanın yaranması, tarixi, elmin inkişaf mərhələləri və əldə olunmuş nailiyyətlərdən bəhs edən kitablar, həyatını və ömrünü elmi yaradıcılığa sərf etmiş, AMEA-nın yaradılmasında və inkişafında əvəzsiz xidmətləri olmuş alimlərin həyat və fəaliyyətləri haqqında ədəbiyyatlar, əməkdaşların elmi tədqiqatları, ayrı-ayrı institutlarının nəşrləri, elmi əsərlər, elmi jurnalları, Milli Kitabxananın görkəmli elm xadimləri haqqında nəşr etdiyi biblioqrafiyalar və s. Azərbaycan və xarici dillərdə nümayiş olunur.
Sərgi bir həftə davam edəcək.
Bölmənin digər xəbərləri
