MİLLİ MƏCLİS “LOTEREYALAR HAQQINDA” QANUNU QƏBUL ETDİ
Komissiyaların tərkibi təsdiq olunduqdan sonra deputatlar gündəlikdəki məsələlərin müzakirəsinə başladılar.
İqtisadi siyasət daimi komissiyasının sədri Səttar Səfərov “Lotereyalar haqqında” qanun layihəsini üçüncü oxunuşda müzakirəyə təqdim edərək dedi ki, Azərbaycan Respublikasında lotereyaların təşkili və keçirilməsi qaydalarını, prinsiplərini, lotereyaların təşkilatçıları və iştirakçılarının hüquqlarını müəyyən edən qanun layihəsi parlamentdə birinci və ikinci oxunuşda müzakirə edilərkən bir sıra irad və təkliflər səslənmişdir. İşçi qrupu həmin təkliflərin bəzilərini nəzərə almışdır. Layihə müzakirə edildikdən sonra qəbul olunmuşdur.
Sonra ölkəmizin “Xarici rəsmi sənədlərin leqallaşdırılması tələbini ləğv edən Konvensiya”ya, “Müstəqil Dövlətlər Birliyinin iştirakçısı olan dövlətlərin daxili işlər orqanları əməkdaşlarının pensiya təminatı və dövlət sığorta qaydaları haqqında” sazişə qoşulması barədə, eləcə də Azərbaycan Respublikası Cinayət-Prosessual Məcəlləsinin tətbiq edilməsi ilə əlaqədar bəzi qanunvericilik aktlarına dəyişikliklər və əlavələr edilməsi haqqında və digər qanun layihələri müzakirə edilərək qəbul olunmuşdur.
Bölmənin digər xəbərləri
