MİLLİ MƏCLİSİN DEPUTATLARI AVROPA ŞURASI PARLAMENT ASSAMBLEYASI SİYASİ İŞLƏR KOMİTƏSİNİN İCLASINDA İŞTİRAK EDƏCƏKLƏR

06.03.2004 [19:54]
Çap et
A⁺ A^-

Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov və deputat Asim Mollazadə martın 7-dən 9-dək Sloveniyanın Lyublyana şəhərində rəsmi səfərdə olacaqlar.

Milli Məclisin mətbuat xidmətindən AZƏRTAC-a bildirmişlər ki, səfər müddətində deputatlarımız Avropa Şurası Parlament Assambleyası Siyasi İşlər Komitəsinin iclasında iştirak edəcəklər. Tədbirdə təşkilatın Ermənistan-Azərbaycan, Dağlıq Qarabağ münaqişəsi üzrə məruzəçisi Terri Devisin Qafqaz regionuna son səfəri ilə bağlı çıxışı dinləniləcək, BMT-nin gücləndirilməsi, demokratik institutların inkişaf etdirilməsinə dair simpoziumun keçirilməsi və digər məsələlər ətrafında fikir mübadiləsi aparılacaqdır.

Deputatlarımız müzakirə olunacaq sənədlərə öz münasibətini bildirəcək, qeyd və təkliflərini verəcəklər.