Millinin baş məşqçisi: Azərbaycan futzalına yeni nəfəs gətirmək istəyirəm
Bakı, 23 dekabr, AZƏRTAC
“Yeni komanda formalaşdırırıq”.
Bu sözləri AZƏRTAC-a açıqlamasında futzal üzrə Azərbaycan millisinin baş məşqçisi Vitali Borisov DÇ-2024-ün elit mərhələsindəki çıxışlarını şərh edərkən deyib.
41 yaşlı mütəxəssis oyunlar zamanı yığmada bəzi problemlərin üzə çıxdığını bildirib: “Mən hər zaman gənc futzalçıların yanında olmuşam. Bizdə istedadlı uşaqlar var. Onların daha çox olması üçün çalışmalıyıq. Heyətdə olan legionerlər də gənclərə dəstək olmalıdırlar”.
Rumıniya və Niderland yığmaları ilə oyunlar üçün milli komandaya cəlb olunan gənc futzalçıların çıxışını da dəyərləndirən V. Borisov əlavə edib: “Onların son iki oyundakı mübarizəsinə baxsaq, bəzi legionerlərdən daha yaxşı oynadıqlarını görərik. Məqsədim Azərbaycan futzalına yeni nəfəs gətirməkdir”.
Qeyd edək ki, Azərbaycanın futzal millisi Niderland, Rumıniya və Qazaxıstanın da yer aldığı A qrupunu 4 xalla sonuncu pillədə başa vurub.
Bölmənin digər xəbərləri
