Milo Cukanoviç: Monteneqronun siyasi böhrandan çıxması üçün Aİ-nin köməyinə ehtiyacı var
Podqoritsa, 24 dekabr, AZƏRTAC
Monteneqronun mövcud siyasi böhrandan çıxması üçün Avropa İttifaqının köməyinə ehtiyacı var.
AZƏRTAC xəbər verir ki, bunu Monteneqro Prezidenti Milo Cukanoviç deyib.
M.Cukanoviç bildirib ki, Aİ ölkədən Avropanın siyasi qaydalarına hörmətlə yanaşmasını gözləyir. Monteneqro hökuməti bir neçə il əvvələ qədər buna hörmət edirdi. Qərbi Balkan ölkələri daha vahid Avropa yolunda dilemma ilə üzləşməməlidir. Monteneqroda da Avropa dəyərlərinin qorunması üçün addımların atılması vacibdir.
Qeyd edək ki, Monteneqroda yeni hökumətin qurulması prosesi siyasi böhrana çevrilib. Milo Cukanoviç parlamentin qəbul etdiyi və hökuməti formalaşdırmaq üçün prezidentin səlahiyyətlərinin məhdudlaşdırılması məqsədi daşıyan qanunu imzalayıb, hökumətin qurulması ilə bağlı müzakirələrdə iştirak etməyəcəyini və namizədin təyin olunması səlahiyyətini parlamentin üzərinə götürəcəyini deyib.
Xatırladaq ki, Monteneqroda Baş nazir Dritan Abazoviçin rəhbərlik etdiyi hökumət avqustun 19-da parlamentdə keçirilən etimadsızlıq səsverməsi nəticəsində buraxılıb.
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
