Mingəçevirdə “Xocalı soyqırımı XX əsrdə bəşəriyyətin ən dəhşətli faciəsidir” mövzusunda konfrans keçirilmişdir
Mingəçevir, 23 fevral (AZƏRTAC). Mingəçevir Turizm Kollecinin və Yeni Azərbaycan Partiyası ərazi ilk təşkilatının birgə təşkilatçılığı ilə “Xocalı soyqırımı XX əsrdə bəşəriyyətin ən dəhşətli faciəsidir” mövzusunda elmi-nəzəri konfrans keçirilmişdir.
AZƏRTAC xəbər verir ki, bu təhsil ocağının Heydər Əliyev adına ideoloji mərkəzində keçirilən konfransda çıxış edən kollecin direktoru professor Əyyub Əyyubov Xocalı faciəsini doğuran səbəblər, hadisə ərəfəsində ölkədə mövcud olmuş ictimai-siyasi şərait haqqında məlumat vermişdir.
Konfransda “Xocalı soyqırımı XX əsrin ən böyük faciəsidir”, “O qanlı fevral faciəsində Xocalının və xocalıların fəlakəti”, “Xocalının acı fəryadı dağı, daşı yandırdı”, “Qarabağ münaqişəsi və Azərbaycan torpaqlarının mərhələli işğalı siyasəti”, “Böyük dövlətlərin 20 il ərzində Xocalı soyqırımına biganəliyi” və digər mövzularda məruzələr dinlənilmişdir.
Tədbirdə Xocalı soyqırımına həsr edilən ədəbi-bədii kompozisiya nümayiş etdirilmişdir.
Bölmənin digər xəbərləri
