Mircəlal Həsənzadə: Çempion adını doğrultmaq üçün var qüvvəmlə çalışacağam
Bakı, 21 dekabr, AZƏRTAC
Rəqibim güclü idmançı olsa da, texniki və sürət cəhətdən onu üstələyirdim. Sona qədər mübarizə apardım. Düşünürəm ki, buna görə də qalib gəldim.
Bu sözləri AZƏRTAC-a məxsusi müsahibəsində sərbəst güləş üzrə kişilər arasında keçirilən Azərbaycan çempionatında 61 kiloqram çəki dərəcəsində qızıl medal qazanan Mircəlal Həsənzadə deyib.
Əvvəl gənclər arasında mübarizə apardığını qeyd edən idmançı böyüklərin yarışında çempion olduğuna görə çox sevindiyini bildirib. “Azərbaycan dünyada həm də güləş ölkəsi kimi tanınır. Güləş üzrə ölkə çempionatında rəqabət yüksək olduğundan medal qazanmaq çox çətindir. Çempion adını doğrultmaq üçün var qüvvəmlə çalışacağam” - deyə o əlavə edib.
Bölmənin digər xəbərləri
