Mişel Barmakin: Memarlıqda dəyərlər ümumbəşəridir
Bakı, 1 noyabr (AZƏRTAC). Biz memarlar dünyanın ayrı-ayrı ölkələrini təmsil edir və müxtəlif dillərdə danışırıq. Lakin memarlıqda dəyərlər ümumbəşəridir və biz bir-birimizi çox yaxşı anlayırıq.
AZƏRTAC xəbər verir ki, bu sözləri xalqımızın ümummilli lideri Heydər Əliyevin anadan olmasının 90 illik yubileyinə həsr edilmiş birinci Bakı Beynəlxalq Memarlıq Müsabiqəsinin münsiflər heyətinin sədri, Beynəlxalq Memarlar İttifaqının baş katibi Mişel Barmakin müsabiqə ilə bağlı keçirilən mətbuat konfransında demişdir.
Memarların əsərlərinin qiymətləndirilməsi məsələsinə toxunan Mişel Barmakin qeyd etmişdir ki, hər hansı işdə memarlıq əsəri varsa, bu əsər öz tamlığı ilə seçilməlidir. Onun texniki üslubu, istər poeziya, istərsə incəsənət cizgiləri ilə tam şəkildə tamamlanmalıdır. Yalnız belə əsərlər müsabiqədə öz layiqli yerini tuta bilər.
Bölmənin digər xəbərləri
