Misir KİV-ləri Azərbaycan hərbçiləri tərəfindən vurulan helikopterdən yazır
Misirin bir sıra internet nəşrləri Ermənistana məxsus “Mİ-24” tipli hərbi helikopterin Azərbaycan Silahlı Qüvvələri tərəfindən məhv edilməsi barədə məlumat yayıblar.
Qate.ahram.orq.eq, youm7.com, shorouknews.com və digər internet nəşrlərinin Azərbaycan Müdafiə Nazirliyinə istinadla yayılan məlumatlarında deyilir ki, noyabrın 12-də Qarabağın cəbhəyanı zonada yerləşən Ağdam rayonunda Azərbaycan mövqelərinə hücuma cəhd edilən zaman Ermənistan Silahlı Qüvvələrinə məxsus helikopter Azərbaycan hərbçiləri tərəfindən məhv edilib. İnternet-nəşr vurğulayır ki, bu toqquşma 1994-ci ildə əldə olunmuş atəşkəs rejiminə riayət edildiyi vaxtdan ən ciddi hadisə olub.
www.shorouknews.com nəşrinin məlumatında deyilir ki, “ Qarabağın separatçı hakimiyyət orqanları hərbi helikopterin məhv edilməsini və üç erməni pilotun həlak olmasını təsdiq edib. Nəşr onu da vurğulayır ki, Ermənistan Azərbaycanın Qarabağdakı ərazilərini işğal edib. Hazırda həmin ərazi Yerevanın dəstəklədiyi separatçı rejimin nəzarəti altındadır.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
