Mitinq zamanı edilən zəng: Tramp Orbanı şəxsən dəstəklədi
Budapeşt, 8 aprel, AZƏRTAC
AZƏRTAC xəbər verir ki, Orbanın Budapeştdə keçirilən seçki kampaniyası zamanı Tramp canlı telefon danışığı əsasında izdihama və namizədin özünə müraciət edərək onu “fantastik lider” adlandırıb, Macarıstan Baş nazirinin nailiyyətlərini və siyasətini vurğulayıb. Bu addım Vaşinqtonun Avropa müttəfiqinə ən güclü ictimai dəstək siqnallarından biri olub.
Macarıstan mediasının xəbərlərində vurğulanır ki, Trampın dəstəyi Vaşinqton ilə Budapeşt arasında artan əməkdaşlıq fonunda göstərilir. ABŞ Orbanın siyasətinə, xüsusən də suverenlik, milli maraqlar və davamlı inkişaf məsələlərində kursuna yüksək qiymət verib.
Qeyd olunur ki, Trampın çağırışı auditoriya tərəfindən coşqu ilə qarşılanıb və iki ölkə arasında sıx siyasi əlaqələrin simvoluna çevrilib. Nəşrlərin istinad etdiyi analitiklər bu jesti səsvermə öncəsi Macarıstan Baş nazirinin mövqeyini gücləndirə biləcək vacib amil kimi görürlər. Bundan əlavə, diqqət ABŞ və Macarıstan liderləri arasında əsas beynəlxalq məsələlərdə fikirlərin üst-üstə düşməsinə yönəldilir ki, bu da gələcək strateji tərəfdaşlıq üçün möhkəm təməl yaradır.
Beləliklə, yerli medianın icmalından göründüyü kimi, Trampın dəstəyi Orbanın seçki kampaniyasını gücləndirməklə yanaşı, ABŞ-Macarıstan əməkdaşlığının müasir Avropa siyasətində artan rolunu da vurğulayır.
Vüqar Seyidov
Bölmənin digər xəbərləri
