MİXAİL FRADKOV RUSİYA HÖKUMƏTİNİN SƏDRİ TƏYİN EDİLMİŞDİR

05.03.2004 [23:33]
Çap et
A⁺ A^-

AZƏRTAC-ın xüsusi müxbiri Moskvadan xəbər verir ki, Rusiya Prezidenti Vladimir Putin martın 5-də Mixail Fradkovun Rusiya hökumətinin sədri vəzifəsinə təyin edilməsi barədə fərman imzalamışdır.

Günün birinci yarısında Dövlət Dumasının geniş iclasında Fradkovun namizədliyi səs çoxluğu ilə təsdiq edilmişdir.

Mixail Fradkov Rusiya parlamentinin üzvləri qarşısındakı çıxışında hökumətin gələcək fəaliyyəti ilə bağlı bir sıra bəyanatlar vermişdir. O, yeni hökumətin ümdə 5 addımını, – kabinetin strukturunun yaradılması, real iqtisadiyyat sektorunun dərin təhlili, sosial sahənin təhlili, elmin dəstəklənməsi və kadr hazırlığı, - elan etmişdir. Həmçinin bildirmişdir ki, parlament üzvləri ilə məsləhətləşmələrdən sonra struktur dəyişiklikləri və yeni hökumətin təşkili barədə təkliflərini, habelə yeni kabinetin yaxın perspektiv üçün fəaliyyət proqramını dövlət başçısına təqdim edəcəkdir.

MİXAİL FRADKOV RUSİYA HÖKUMƏTİNİN SƏDRİ TƏYİN EDİLMİŞDİR

MÜƏLLİFLƏ ƏLAQƏ

Bölmənin digər xəbərləri