Moskvada yanacaq kanistri çatışmazlığı yaranıb
Moskva, 24 iyun, AZƏRTAC
Moskva avtomobil mağazalarında artan tələbat və təkrar satıcı fəaliyyəti fonunda yanacaq kanistri çatışmazlığı qeydə alınıb.
AZƏRTAC Rusiya mediasına istinadla xəbər verir ki, yanacaq saxlama qabları möhtəkirlər tərəfindən kütləvi şəkildə alınır və əlavə qiymət qoyularaq satılır. Məlumatlara görə, son həftələrdə yanacaq kanistrlərinin qiyməti həcmdən və materialdan asılı olaraq 20-40 faiz artıb.
Qeyd olunur ki, eyni zamanda, ağızlıqlar, şlanqlar, yanacaqötürmə nasosları və digər avtomobil aksesuarları da daxil olmaqla əlaqəli məhsullara da tələbat artıb. Bəzi mağazalarda müştərilərə əvvəlcədən sifariş vermək və yeni çatdırılmalarını gözləmək təklif olunur.
Avtomobil mağazaları əməkdaşlarının sözlərinə görə, sürücülərə yanacağın keyfiyyətinə diqqət yetirmələri tövsiyə edilir, çünki artan tələbat fonunda aşağıkeyfiyyətli benzinin satılması halları barədə məlumatlar yayılır.
Bölmənin digər xəbərləri
