Mübariz Qurbanlı: Azərbaycanda 2500-ə qədər məscid var
Bakı, 21 iyun, AZƏRTAC
Din sahəsində əsas vəzifəmiz dövlət-din münasibətlərinin daha da təkmilləşdirilməsinə nail olmaqdır.
AZƏRTAC xəbər verir ki, bu sözləri Dini Qurumlarla İş üzrə Dövlət Komitəsinin sədri Mübariz Qurbanlı iyunun 21-də “Azərbaycanın dövlət-din modeli” mövzusunda keçirilən konfransda səsləndirib.
Bildirilib ki, Zəfərimizdən sonra qarşıya mühüm vəzifələr qoyulub. Bu istiqamətdə Dini Qurumlarla İş üzrə Dövlət Komitəsinin də üzərində vəzifələr var.
Azərbaycanda 2500-ə qədər məscidin olduğunu və onlardan 1500-nün daimi fəaliyyət göstərdiyini qeyd edən komitə sədri din adından sui-istifadə hallarının yalnız İslama aid olmadığını deyib. Qeyd edilib ki, başqa dinlərdən də sui-istifadə halları mövcuddur. Dövlətimizin qarşısında duran vəzifə Azərbaycanı bölgənin ən güclü dövlətinə çevirməkdir.
Bölmənin digər xəbərləri
