Müqəddəs Taxt-Tacın sözçüsü: Papa Fransiskin vəziyyəti yaxşılaşır
Vatikan, 31 mart, AZƏRTAC
Müqəddəs Taxt-Tacın sözçüsü Matteo Bruni xəstəxanada müalicəsi davam edən Roma Katolik Kilsəsinin rəhbəri Papa Fransiskin vəziyyətinin getdikcə yaxşılaşdığını deyib.
AZƏRTAC xəbər verir ki, M.Bruni Papa Fransiskin ötən günü istirahətə, duaya, işə həsr edərək keçirdiyini bildirib. Qeyd edib ki, tibb işçiləri Fransiskdə infeksion əsasda bronxit aşkarlandığını və ona infuziya əsasında antibiotik terapiyasının aparıldığını bildiriblər.
Planlaşdırılan klinik yoxlamalar davam edir və Papa Fransiskin vəziyyətində yaxşılaşma müşahidə olunur. Onun yaxın bir neçə gün ərzində xəstəxanadan buraxılması gözlənilir.
Qeyd edək ki, 86 yaşlı Fransisk martın 29-da təcili yardım avtomobili ilə İtaliyanın paytaxtı Romadakı Gemelli xəstəxanasına yerləşdirilib və ona tənəffüs yolu infeksiyası diaqnozu qoyulub.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
