Müşavir: Multidisiplinarlığın qida təhlükəsizliyində tətbiq edilməsi vacib məsələdir
Bakı, 4 iyun, AZƏRTAC
Qida təhlükəsizliyi təhsil sisteminin klassik sahələrindən fərqli olaraq yeni yanaşma tələb edir. Kimya, biologiya, kənd təsərrüfatı və digər sahələri bir araya gətirib, qida təhlükəsizliyi üzrə kadr hazırlanmalıdır. Müasir dünyada bu cür təhsil proqramlarına daha çox ehtiyac duyulur. Multidisiplinarlığın qida təhlükəsizliyində tətbiq edilməsi ən vacib məsələlərdən biridir. Bu cür təhsil proqramının yaradılması zəruridir.
AZƏRTAC xəbər verir ki, bunu elm və təhsil nazirinin müşaviri Nicat Məmmədli “Ümumdünya Qida Təhlükəsizliyi Günü: Elm fəaliyyətdədir” mövzusunda keçirilən konfrans çərçivəsində təşkil edilən "Qida təhlükəsizliyi və keyfiyyətinin təmin olunmasında ali təhsil sisteminin rolu: gələcək nəsil mütəxəssislər və innovativ elmi yanaşmalar" adlı paneldə deyib.
Müşavir qeyd edib ki, təhsilalanlar təkcə bir deyil, təchizat zəncirinin bütün sahələrini bilməlidirlər ki, qidanı istehsalçıdan istehlakçıya təhlükəsiz şəkildə çatdırmaq mümkün olsun. “Biz, eyni zamanda, mövcud təhsil proqramlarının keyfiyyətinin təminatını da bilməliyik”, - deyə o vurğulayıb.
Bölmənin digər xəbərləri
