MUSSOLİNİNİN NƏVƏSİ BABASININ CƏSƏDİNİN EKSHUMASİYASINI TƏLƏB EDİR
69 yaşlı Qvido Mussolininin vəkilləri diktatorun ölüm hallarının təhqiqi çərçivəsində Komo şəhər məhkəməsinə ekshumasiya haqqında rəsmi ərizə vermişlər.
Vəkillər cəsədin tibbi müayinəsinin zəruriliyini izah edərək demişlər: “Tarixçilər Mussolininin ölümünün 19 müxtəlif versiyasını irəli sürürlər. Amma onlardan heç biri indiyədək rəsmən təsdiq edilməmişdir”.
Lakin diktatorun heç də bütün qohumları bu fikrə tərəfdar deyildir. Mussolininin digər nəvəsi - Alessandra öz qohumunu ekshumasiyadan imtina etməyə çağırmışdır.
Xatırladaq ki, Benito Mussolini 1945-ci il aprelin 26-da Komo şəhəri yaxınlığında partizanlar tərəfindən tutulmuş və iki gündən sonra güllələnmişdir. Sonra diktatorun meyidi Milana gətirilmiş və burada şəhər meydanlarından birində qurulmuş dar ağacından ayaqlarından asılmışdır.
Bölmənin digər xəbərləri
