“NAR MOBİLE” TƏLƏBƏLƏR ÜÇÜN YENİ TARİF PLANI TƏQDİM EDİR
“Azerfon” MMC (“Nar Mobile” ticarət nişanı) ali məktəb tələbələri üçün yeni tarif planını təqdim etmişdir. Plana uyğun olaraq 1 dəqiqə danışıq vaxtının və 1 SMS-in qiyməti cəmi 3 qəpikdir.
Şirkətdən AZƏRTAC-a bildirmişlər ki, sərfəli qiymətlərdən başqa, hər bir sessiyanın başlanğıcında - dekabrın 1-dən yanvarın 31-dək və mayın 1-dən iyunun 30-dək Tələbə Tarif Planına qoşulmuş abonentlərin balanslarına 3 MB GPRS-trafik və 30 MMS şəklində bonuslar yüklənəcəkdir. Bonus balansını *777#20#Yes şifrəsini yığmaqla öyrənmək mümkündür.
Tarif Planı tələbələrə öz aralarında sərfəli ünsiyyət qurmaq üçün yeni imkanlar təklif edir. Abonentlər bu imkandan istifadə etmək üçün “Nar Mobile” mərkəzlərinə müraciət etməlidirlər.
Bölmənin digər xəbərləri
