“Nar”ın Qarabağda baza stansiyasının sayı 100-ü ötüb
Bakı, 14 mart, AZƏRTAC
Biz öz xidmətimizi ölkənin hər guşəsində göstəririk. Bu baxımdan Qarabağ bizim üçün əsas investisiya, yatırım məkanıdır. Qarabağ bölgəsində biz artıq 100-dən çox baza stansiyası inşa etmişik.
AZƏRTAC xəbər verir ki, bu sözləri “Nar” mobil operatorunun baş direktoru Gunnar Pahnke şirkətin 2023-cü il üzrə hesabat tədbirində deyib.
O bildirib ki, Qarabağda görüləsi işlər çoxdur.
“Baxmayaraq ki, bu bölgələrdə əhali hələ də çox deyil, biz artıq öz yatırımlarımızı etmişik və ən sərfəli və rahat xidməti bu insanlara təqdim edirik. Ancaq biz bu öhdəliyə sadiqik, işimizi davam etdirəcəyik. Bizim töhfəmiz tək bu əhatə dairəsinin genişləndirilməsi deyil, eyni zamanda müştərilərlə birbaşa əlaqə yaratmaqdır. Laçın şəhərində ilk mobil operator mağazası açan məhz bizik. Burada baş verən önəmli tədbirləri də biz dəstəkləyirik”, - deyə baş direktor qeyd edib.
Bölmənin digər xəbərləri
