NASAZ VƏ YANĞIN TƏHLÜKƏSİ YARADAN QAZ VƏ ELEKTRİK CİHAZLARININ İSTİSMARI QADAĞAN EDİLMİŞDİR
Baş Dövlət Yanğin Təhlükəsizliyi İdarəsindən AZƏRTAC-a bildirmişlər ki, yanğın təhlükəsizliyi xidmətinin zəruri və vacib sahələrindən sayılan profilaktika işinin təşkilində görülmüş səmərəli tədbirlər nəticəsində müəyyən müsbət göstəricilər əldə olunmuşdur. Belə ki, ötən il 46 mindən çox müxtəlif təyinatlı obyektlərdə, 22 min dövlət və 476 min xüsusi yaşayış evlərində yanğına qarşı müayinələr aparılmış, iki milyondan çox əhali, 517 mindən artıq fəhlə və qulluqçu yanğına qarşı təlimatlandırılmış, yanğına qarşı mövcud olan 202 min çatışmazlıqlar aradan qaldırılmışdır. Bu müddət ərzində 23 mindən çox nasaz və yanğın təhlükəli vəziyyətdə olan qaz və elektrik cihazlarının, qurğu və sahələrin istismarı qadağan edilmişdir.
Bölmənin digər xəbərləri
