NATO: Rusiyanın hava müdaxilələrinin qarşısı alınıb, amma hibrid təhlükələr qalmaqdadır
Bakı, 22 oktyabr, AZƏRTAC
Görünür ki, NATO-nun keçən ay Rusiyanın Polşa və Estoniya hava məkanına müdaxiləsinə verdiyi sərt reaksiya sərt reaksiyası Rusiyanı qarşı tərəfi çəkindirib, lakin Moskvanın sərhədləri sınaqdan keçirməyə davam edəcəyi gözlənilir.
AZƏRTAC xəbər verir ki, bu barədə NATO-nun Müttəfiq Qüvvələrinin Ali Baş Komandanı, ABŞ Hərbi Hava Qüvvələrinin generalı Aleksus Qrinkeviç məlumat verib.
Sentyabrın 19-da Rusiyanın üç hərbi təyyarəsi Estoniyanın hava məkanını 12 dəqiqə pozub. NATO qırıcı təyyarələri havaya qaldırıb və onları müşayiət edib. Vaşinqton isə NATO ərazisinin hər qarışını müdafiə edəcəyinə söz verib.
Doqquz gün əvvəl Rusiyanın 20-dən çox pilotsuz uçuş aparatı Polşanın hava məkanına soxulmuşdu. NATO təyyarələri onlardan bir neçəsini vurub. Bu, Ukraynada müharibə başlayandan bəri Alyans üzvlərinin Rusiya hədəflərinə ilk zərbəsi idi.
ABŞ Hərbi Hava Qüvvələrinin generalı “Reuters” agentliyinə deyib ki, NATO-nun cavabı Moskvaya siqnaldır.
“Biz Rusiyanın daha ehtiyatlı olmağa çalışdığını, xüsusən də Polşada baş verən pilotsuz uçuş aparatı insidenti nəzərə alınmaqla, bir sıra hallarda xəttə yaxınlaşdığını və ya hətta onu keçdiyini dərk etməsinin əlamətlərini görürük”, -deyə Qrinkeviç bildirib.
O əlavə edib: “Biz çəkindirici təsir göstərəcəyik, lakin onlar Alyansa meydan oxumaq üçün manevr etməyə və hibrid vasitələrdən istifadəyə davam edəcəklər”.
Qrinkeviç bildirib ki, Rusiyanın qış mövsümündən əvvəl Ukrayna şəhərlərini və elektrik infrastrukturunu dronlar və raketlərlə hədəf almağa davam edəcəyi təqdirdə ABŞ “Ukraynanın ehtiyaclarını ödəyən dərəcədə” “Patriot” raket sistemlərini çatdıracaq.
Vaşinqtonda yerləşən Avropa Siyasətinin Təhlili Mərkəzinin məlumatına görə, sentyabrın 9-da Rusiyanın Polşaya ilk dron hücumundan sonra NATO-ya üzv olan şimal dövlətlərini - Skandinaviya, Belçika və Baltikyanı ölkələri əhatə edən daha 38 belə insident qeydə alınıb.
Bölmənin digər xəbərləri
