Naxçıvanda aqrar sahədə qabaqcıl təcrübənin tətbiqi ilə bağlı görüş keçirilib
Naxçıvan, 11 mart, AZƏRTAC
Naxçıvan Muxtar Respublikası Kənd Təsərrüfatı Nazirliyində ölkəmizin aqrar sahədə ixtisaslaşan “4S” şirkətinin nümayəndələri ilə görüş keçirilib.
AZƏRTAC-ın Naxçıvan bürosu xəbər verir ki, rayon və şəhər icra hakimiyyətləri nümayəndələrinin, həmçinin fermerlərin də iştirak etdiyi görüşdə kənd təsərrüfatında müasir suvarma sistemlərinin tətbiqi barədə təqdimatlar edilib, interaktiv müzakirələr aparılıb. Bu sahədə ölkəmizdə, eləcə də dünyada tətbiq olunan qabaqcıl təcrübələr fermerlərin diqqətinə çatdırılıb. Müasir standartlara cavab verən suvarma sistemlərinin kənd təsərrüfatı məhsulları istehsalının artımında, həmçinin quraqlıqla mübarizədə mühüm rol oynamasından geniş bəhs edilib.
Bölmənin digər xəbərləri
