“Nə? Harada? Nə zaman?” intellektual oyunun qalibləri mükafatlandırılıb
Bakı, 22 may, AZƏRTAC
Azərbaycan Milli Xalça Muzeyinin təşkilatçılığı ilə keçirilən “Nə? Harada? Nə zaman?” intellektual oyununda qalib gələn "Qarabağ" komandasının üzvlərinə sertifikat və hədiyyələr təqdim olunub.
Xalça Muzeyindən AZƏRTAC-a bildirilib ki, 22 komanda içərisində 36 sualdan 30-na doğru cavab verərək birincilik qazanan komanda üzvləri muzeyin ekspozisiyası ilə də tanış olublar. Onlara muzeyin tarixi, fəaliyyəti, kolleksiyaları haqqında ətraflı məlumat verilib.
Komanda üzvləri Azərbaycan Milli Xalça Muzeyində olmaqdan, həmçinin “Nə? Harada? Nə zaman?” intellektual oyununda iştirakdan məmnun olduqlarını bildiriblər.
Bölmənin digər xəbərləri
