Neft-qaz sektoruna 5,2 milyard manat yönəldilib
Bakı, 16 dekabr, AZƏRTAC
Yanvar-noyabr aylarında neft-qaz sektoruna 5 milyard 212 milyon manat yönəldilib. Keçən ilin eyni dövrü ilə müqayisədə neft-qaz sektoruna yatırılmış investisiyalar 8,4 faiz artıb.
Dövlət Statistika Komitəsindən AZƏRTAC-a bildirilib ki, 11 ayda neft-qaz sektorunda 19 milyard 317,6 milyon manatlıq məhsul istehsal olunub. Sənayenin bu sektorunda məhsul istehsalı əvvəlki ilin eyni aylarına nisbətən 6,4 faiz azalıb. Neft-qaz sektorunda istehsal olunmuş əlavə dəyər isə 6,5 faiz geriləyib.
Sənaye məhsulunun 60,7 faizi mədənçıxarma sektorunda istehsal edilib. Noyabrda sənaye məhsullarının istehsalçı qiymətləri indeksi əvvəlki ayla müqayisədə 100,8 faiz, o cümlədən mədənçıxarma sənayesi üzrə 101 faiz olub.
Noyabrın 1-nə iqtisadiyyatın neft-qaz sektorunda 33,9 min nəfər çalışıb. Yanvar-oktyabr aylarında neft-qaz sektorunda nominal əməkhaqqı isə 3360,6 manat təşkil edib.
Bölmənin digər xəbərləri
