Neftçalada iki nəfərə xəsarət yetirən şəxs saxlanılıb
Neftçala, 24 iyul, Aydın Yavərzadə, AZƏRTAC
Neftçala rayonunda iki nəfərə deşici alətlə çoxsaylı xəsarətlər yetirən şəxs polis əməkdaşları tərəfindən saxlanılıb.
AZƏRTAC-ın bölgə müxbiri xəbər verir ki, hadisə ötən gün saat 17:00 radələrində rayonun Xıllı qəsəbəsinin ərazisində baş verib. Hadisə zamanı F. Bağırov deşici alətlə H. Əhmədova və Ə. Bağırovaya çoxsaylı xəsarətlər yetirib.
Yaralılar Neftçala Rayon Mərkəzi Xəstəxanasına hospitalizasiya olunublar. Onlara təcili tibbi yardım göstərilib və stasionar müalicəyə cəlb edilərək həkim nəzarətinə götürülüblər.
Daxili İşlər Nazirliyinin mətbuat xidmətinin Şirvan regional qrupundan verilən məlumata görə, faktla bağlı cinayət işi açılıb, araşdırma aparılır.
Qeyd edək ki, Ə. Bağırova F. Bağırovun həyat yoldaşı, H. Əhmədov isə qayınatasıdır.
Bölmənin digər xəbərləri
