“Neftçi” klubu argentinalı futbolçu ilə müqavilə imzalayıb
Bakı, 6 sentyabr, AZƏRTAC
“Neftçi” futbol klubu növbəti transferini gerçəkləşdirib.
Klubdan AZƏRTAC-a verilən məlumata görə, paytaxt təmsilçisi argentinalı Lukas Melano ilə rəsmi müqavilə bağlanıb.
Otuz yaşlı forvard yaxın günlərdə Bakıya gələrək tibbi baxışdan keçəcək. Daha sonra müqavilənin detalları haqqında ətraflı məlumat veriləcək.
Qeyd edək ki, sonuncu klubu “Atletiko Sarmiento” (2023) olan Lukas Melano Argentinanın “Nyuells Old Boyz” (2022), “Sentral Kordoba” (2021), “San-Lorenso de Almaqro” (2021), “Atletiko Tukuman” (2019-2021), “Estudiantes” (2017-2018), “Lanus” (2013-2015), “Belqrano” (2011-2013, 2017), həmçinin Çilinin “Universidad Katolika” (2022) və ABŞ-nin “Portlend Timbers” (2015-2019) klublarında çıxış edib. 2013-cü ildə “Lanus”la Sudamerikana kubokunun, 2015-ci ildə isə “Portlend Timbers”lə MLS kubokunun qalibi olub. O, 2013-cü ildə Argentinanın U-20 milli komandasının heyətində 3 oyun keçirib, 1 qol vurub.
Bölmənin digər xəbərləri
