“Neftçi” klubu “ASAN məktub” sosial layihəsinə qoşulur
Bakı, 11 dekabr, AZƏRTAC
Sosial layihələrə hər zaman xüsusi önəm verən “Neftçi” futbol klubu daha bir layihəyə qoşulur.
AZƏRTAC kluba istinadla xəbər verir ki, xalqın komandası uşaqlara sevinc bəxş etmək və cəmiyyətdə qayğı hissini artırmaq məqsədi daşıyan sosial layihə - “ASAN məktub”la uşaqların arzularını həyata keçirəcək.
Klubun futbolçuları yeni il ərəfəsində “ASAN məktub” portalına (asanmektub.az) müraciət edən 10 uşağı seçərək onlarla görüşəcəklər.
“Bakcell Arena”da baş tutacaq görüşdə uşaqlar komandamızın ev oyunlarını keçirdiyi stadionla tanış olub, “Neftçi”nin muzeyini ziyarət edəcək. Sonda əsas komandanın futbolçuları seçdikləri uşaqlara Yeni il hədiyyələri təqdim edəcəklər.
Bölmənin digər xəbərləri
