“Neftçi”nin ingiltərəli hücumçusu “Qarabağ”a qarşı oynaya bilər
Bakı, 24 aprel, AZƏRTAC
Bir müddətdir zədəli olan “Neftçi”nin futbolçusu Bassala Sambu məşqlərə başlayıb.
Bu barədə AZƏRTAC-a Bakı klubunun mətbuat xidmətindən məlumat verilib.
Bildirilib ki, ingiltərəli hücumçunun Premyer Liqanın XXIX turunda “Qarabağ”a qarşı matçda heyətdə olmaq ehtimalı yüksəkdir. Lakin onun meydana çıxıb-çıxmayacağına baş məşqçi qərar verəcək.
Qeyd edək ki, aprelin 26-da “Palms Sports Arena”da keçiriləcək “Neftçi” – “Qarabağ” görüşü saat 19:00-da başlayacaq.
Bölmənin digər xəbərləri
