Neftin qiyməti ötən həftə 16 faiz ucuzlaşıb
Bakı, 2 mart, AZƏRTAC
Keçən həftə dünya birjalarında “qara qızıl”ın neftin qiymətində 16 faiz ucuzlaşma qeydə alınıb.
AZƏRTAC xəbər verir ki, ucuzlaşmaya səbəb müxtəlif ölkələrdə yayılan koronavirusun qlobal iqtisadi artıma, həmçinin neft tələbatına mənfi təsir etməsidir.
Rusiya Prezidenti Vladimir Putin dünən ölkəsinin qlobal neft bazarına dəstək üçün əməkdaşlıq qurmağa hazır olduğunu açıqlayıb.
Enerji bazarı isə martın 6-da OPEC-ə üzv və kartelə üzv olmayan ölkələrinin (“OPEC+) Vyanadakı toplantısına fokuslanıb. İclasda neft hasilatının azaldılmasına dair mövcud saziş üzrə istehsal kvotalarına dəyişikliyin edilməsi gözlənilir.
Qeyd edək ki, hazırda “Brent” markalı neftin bir barreli Londonun ICE birjasında 51,57 dollara, “Light” markalı neftin bir barreli isə Nyu-Yorkun NYMEX birjasında 46,32 dollara satılır.
Bölmənin digər xəbərləri
