Netanyahu: Qəzza zolağında əməliyyatı başa çatdırmaq hələ vaxt aparacaq
Bakı, 26 dekabr, AZƏRTAC
İsrail Müdafiə Qüvvələrinin Qəzza zolağında həyata keçirdiyi əməliyyatı başa çatdırmaq hələ çox vaxt aparacaq.
AZƏRTAC xəbər verir ki, bunu İsrailin Baş naziri Benyamin Netanyahu Knessetdə "Likud" fraksiyasının üzvləri ilə görüşdə deyib.
“Biz dayanmırıq, mübarizəmizi davam etdiririk. Bu, uzun döyüş olacaq və sona yaxın deyil. Bizə səbir, birlik lazımdır”, - deyə Baş nazir qeyd edib.
O, Qəzza zolağında ehtiyatda olan briqadanın yerləşdiyi yerə də baş çəkdiyini bildirib. “Hamı məndən yalnız bir şey istədi ki, dayanmayaq, sona qədər mübarizə aparaq", - deyə Benyamin Netanyahu vurğulayıb.
Bölmənin digər xəbərləri
