Neymarın komandası Braziliya kuboku ilə vidalaşdı
Bakı, 3 sentyabr, AZƏRTAC
“Palmeyras” Braziliya Kubokunun 1/4 final mərhələsinin cavab oyununda “Santos”la qarşılaşıb.
AZƏRTAC xəbər verir ki, San-Pauludakı “Vila Belmiro” stadionunda keçirilən görüş qolsuz heç-heçə ilə başa çatıb.
Braziliya millisinin hücumçusu Neymar “Santos”un start heyətində meydana çıxıb. Futbolçu fasilədə əvəzlənib.
Komandalar arasında ilk oyun “Palmeyras”ın 3:0 hesablı qələbəsi ilə başa çatıb. Beləliklə, iki oyunun nəticəsinə əsasən 3:0 hesabı ilə qalib gələn “Palmeyras” turnirin yarımfinalına yüksəlib.
Qeyd edək ki, “Palmeyras” yarımfinalda “Vasko da Qama” ilə qarşılaşacaq.
Bölmənin digər xəbərləri
