Nijnekamskda baş verən yanğında ölənlərin sayı 11 nəfərə çatıb
Moskva, 6 aprel, AZƏRTAC
Tatarıstanın Nijnekamsk şəhərində müəssisədə baş vermiş yanğın nəticəsində həlak olanların sayı 11 nəfərə çatıb.
AZƏRTAC xəbər verir ki, “Nijnekamskneftexim” şirkətində daha dörd nəfərin meyitinin aşkar edildiyi bildirilib, eyni zamanda, bir nəfərin axtarışları davam edir.
Xatırladaq ki, fövqəladə hadisə martın 31-də sintetik kauçuk istehsalı müəssisəsində baş verib. Şirkətin məlumatına görə, qaz qarışığının alışması və avadanlığın hermetikliyinin pozulmasının nəticələrinin aradan qaldırılması zamanı baş vermiş sonrakı partlayış hadisəyə səbəb olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
